【街坊心聲】巿民歡迎內地支援
2020年08月03日10:44

( 轉載自《文匯報》)

國家幫手好感恩

梁婆婆:我日日都會落街唞下氣,但會擔心身邊唔知有無確診者,當然希望政府可以加強檢測搵出隱形病人,睇新聞講本港每日檢唔到一萬個(樣本),咁要檢到幾時?既然有得靠祖國,點解要反對?呢樣嘢已經比好多地方都好,人家(支援隊)咁遠水路落嚟幫手,梗係好感恩。

陰謀論一派胡言

羅先生:歡迎中央支援香港,但有人批評指內地醫護嚟有陰謀,會搶本地人飯碗,呢啲係一派胡言。??家咩時候,非常時期就應該用非常手段,香港都爆第三波,點解仲有人要講呢啲嘢,我覺得好離譜。話人有陰謀,我覺得佢哋先有陰謀,唔通真係想見到再多啲人因新冠肺炎死先安心?

現在求助已算慢

陳先生:第三波好似7月中爆發,當時都明知香港檢測量唔夠,點解都要搞咗成半個月先求助?係因為政府要面?定單純慢半拍?希望政府擴大檢測量之後,可以將檢測嘅高危群組,擴展至學童。

視頻精選
更多新聞