香港好去處:【D2 Place 全新飄移賽車場開幕!場地超過5,000呎!週末放鬆好去處!】
2020年09月17日19:15

荔枝角新開室內PowerPlay Arena遊樂基地,週末又多一個好地方啦~最大亮點就係飄移賽車遊樂場,除左仲有多款潮爆公仔機經典遊戲扭蛋機大型彩虹池。玩到攰攰地,呢度仲有埋特色熱狗店,提供多款飲品和小食!快啲同朋友或家人一齊黎又玩又食啦!

荔枝角-飄移賽車場
荔枝角-飄移賽車場

▲飄移賽車遊樂場,空間感十足,佔地超過5,000呎,仲設有多個飄移彎位,既刺激又好玩!唔洗擔心賽車係細路先玩得,因為場內分別為大人版 Crazy Cart XL 以及小朋友版Crazy Cart,仲貼心提供埋頭盔、護肘和頸箍等等保護裝備,讓大家安心化身車神 !

本地插畫師-食屎狗
本地插畫師-食屎狗

▲潮爆公仔機及扭蛋機,最期待環節,因為今次有聯乘本地插畫家推出原創主題嘅公仔機,仲唔快啲黎帶佢番屋企?

巨型彩虹池-荔枝角
巨型彩虹池-荔枝角

▲經典遊戲,一家大細都啱玩,例如:推銀機、氣墊球呢啲一定唔少得,呢度仲有個超大型彩虹池,設計新穎又可愛,快啲黎體驗下啦!

hotdog-line up-荔枝角
hotdog-line up-荔枝角

▲特色熱狗店,餓住個肚仔點玩得盡興阿?唔怕,呢度有埋熱狗店,必試「頑皮熱狗系列」,以美國及加拿大風味為主,另外亦都有適合健康人士嘅椰菜花及吞拿魚餡熱狗,又點少得Shake Shake薯條同「點止冰冰 Slushy」,仲有多款小食和飲品,可以叉足電之後繼續玩!

新張開幕期間,仲推出多重優惠

優惠一:

由9月中旬起至10月31日,於D2 Place一期或二期指定零售商戶消費滿HK$300,憑有效機印發票即可換領PowerPlay Arena飄移車買一送一優惠券1張。

優惠二:

新張期間只要成為會員,即可以 HK$55 體驗飄移車一節(約 6 分 鐘,原價 HK$60),玩完之後即時加購飄移車體驗更可獲 九折優惠(只限加購一次)!

PowerPlay Arena

地址:D2 Place二期2樓

文字:香港人遊香港

The post 香港好去處:【D2 Place 全新飄移賽車場開幕!場地超過5,000呎!週末放鬆好去處!】 appeared first on 香港人遊香港.

視頻精選
更多新聞