馮盈盈做孝順女 陪媽媽買傢俬
2020年11月05日03:00
馮盈盈與媽媽在店內逛了逾一個小時,看勻全店的傢俬。

【星島日報報道】馮盈盈近期認為新聞多多,先有因「離婚論」被網民批評欠大方,繼而有指她顧着拍拖被高層「照肺」,昨日再有昔日閨密江嘉敏的生日願望道是「識帶眼識人」。對於種種傳聞是非,馮盈盈一於懶理,日前被本報拍得她孝順女出巡,跟媽媽為新居添置傢俬。

日前,本報獨家拍得馮盈盈跟媽媽於大型家庭用品連鎖店逛了個多小時,於職員的介紹下看了相當多類型的傢俬及家電,包括電視櫃、梳化、餐檯椅以及抽濕機等,相當大陣仗。原來家中將會細屋搬大屋,現正獨居的她亦會搬到新居跟家人同住,希望可以多點陪伴家人。

盈盈其後接受電話訪問,直認為家中添置大量新傢俬,她說:「我係同媽媽去買傢俬,因為屋企最近搬屋,會搬大一啲,將會有自己房間,同屋企人住亦可以照顧多啲屋企人。」馮盈盈提到媽媽曾於街上暈倒,雖然已康復但不時要到醫院檢查,她說:「我覺得自己都要兼顧媽媽同屋企人嘅責任。」提到看到她主動埋單,她笑笑說:「係啊!今次返屋企住,自己都要負番個責任。」當記者讚她精打細算的時候,她笑說:「我係搵到錢,但用一分一毫都要值得,揀品質好又實惠先至係用得其所。」

此外,馮盈盈自去年跟前男友鍾文浩分手後,是非跟緋聞一直纏身至今,先有指跟好閨密江嘉敏決裂,繼而被爆暗撻大隻主播鄭衍峰,隨後又被冠上「釣金龜」之名。早前節目《後生仔傾吓偈》以「前度結婚了」為主題,馮盈盈一句「結咗都可以離」即時被網民批評欠大方。馮盈盈解釋節目中她多次強調,若前度結婚會大方送上祝福。她說:「之前嘅報道係假消息,前度並未有結婚打算,只不過係同名同姓,我送唔到祝福畀佢。」她坦言「離婚論」是希望淡化前度的注目度,因為他曾因為被追訪而感到困擾。她說:「現時作為朋友,實在唔可以替佢澄清太多,希望可以幫佢淡化。」

另外,談到有指她掛住拍拖被高層「照肺」,她說:「對於無中生有、唔係事實嘅報道,我唔作回應喇!」問一直努力工作的她,不時受到不實報道攻擊可感無奈?她說:「都會有無奈嘅感覺,都唔知點解會有呢啲不實報道。自己一直都好努力工作,同時兼顧拍劇、主持同其他工作,其實真係唔容易,唯有用事實同行動打破呢啲不實傳聞。」

視頻精選
更多新聞