曾傳不和 余詠珊聞志偉回巢:好開心呀!
2021年01月22日03:00
余詠珊稱志偉是她的師傅。

【星島日報報道】曾為無線「鎮台之寶」的曾志偉,効力無線多年,主持過多個膾炙人口的節目,包括《獎門人》系列,更是多年的港姐御用司儀。及至2013年港姐轉賽制,準決賽由直播變錄影,志偉終於爆煲,寸爆負責統籌港姐的余詠珊:「X你老母!港姐係Live,點解要錄影呀?」自此志偉與無線的關係跌至冰點,及至2018年港姐縮皮至西貢拍外景,志偉亦唏噓說:「慘不忍睹!」並於同年倒戈撐ViuTV的睇波節目,以「明星足球隊」名義拉隊到俄羅斯欣賞世界盃的終極大戰,這兩年連慈善節目《歡樂滿東華》也不再主持,完全冇面畀!而由志偉一手捧紅的愛將如林曉峰、金剛及崔建邦等,亦因為權鬥而被投閒置散,林曉峰及金剛更索性離巢發展,二人也曾為ViuTV主持節目,明剃無線眼眉!

余詠珊昨對志偉上任副總經理一職,她說:「好開心呀!志偉不但係我師傅,現時係我上司,我哋有傾過未來點做,要等佢返香港坐低認真再傾。他在內地做咗好多野,人脈關係好好,有很多新發展帶畀公司是好事。」追問她與志偉曾傳過不和?她輕鬆回答:「傳好耐,次次都話冇事,志偉是我師傅,無咁嘅事!」她強調自己不會辭職,又稱目前志偉仍在內地,初步預計在農曆新年後返港,但她希望志偉盡快回港詳談工作大計。

視頻精選
更多新聞