旺角美食:【型格2層高霓虹燈牌打卡店 下午食好啲!安格斯肉眼扒+水牛城雞翼!】 – Amico 1890
2021年01月23日23:56

呢間位於旺角的小店,店內分開2層所以空間感十足而且有不少霓虹燈牌打卡位仲會投放電影夠晒型格。小店主打西餐,最近就推出了下午食好啲2人餐,有齊前菜、小食、主菜、甜品份量仲好大份。當中主菜可選美國安格斯肉眼扒,牛扒既大塊又夠厚,肉味香濃而且肉汁豐富又夠粉嫩。小食水牛城雞翼辣辣地好刺激。甜品的乳酪雪糕更是自家製,口感好特別煙煙韌韌似gelato,乳酪味道夠香濃。

▲「何不下午食好啲」兩人set$398

▲巴馬火腿沙律,份量多而且沙律菜新鮮脆口,仲有不少青瓜、蕃茄等配咸咸地的火腿開胃清新。

▲水牛城雞翼,雞翼夠嫩滑,辣辣地好刺激夠惹味。

▲黑松露卡邦尼意大利粉,黑松露味好香濃,意粉軟硬適中夠creamy。

▲美國安格斯肉眼,牛扒好大塊又夠厚,肉味香濃而且肉汁豐富又夠嫩。另配粗薯條炸到外脆內軟又有薯肉。

▲自家製乳酪雪糕,口感好特別煙煙韌韌,乳酪味香濃,甜度適中。

▲套餐包兩杯飲品,特飲需另加錢。

Amico 1890

地址:旺角洗衣街24號地舖

電話:3798-0080

營業時間:12:00-02:30

文字 / 圖片:香港人遊香港

The post 旺角美食:【型格2層高霓虹燈牌打卡店 下午食好啲!安格斯肉眼扒+水牛城雞翼!】 Amico 1890 appeared first on 香港人遊香港.

視頻精選
更多新聞