吳業坤被爆收集家燕姐唇印癖好 䁥稱「阿燕」恨與母女傳緋聞
2021年02月20日08:00

吳業坤入行十年,入行時獨男形象深入民心,但其後漸露出真面目,緋聞對象超過一打,故有「偽毒坤」之封號,食女功力絕對毋須質疑。不過高處未見高,當對住年長四十歲的薛家燕,坤哥都仲可以口花花,仲竟然傳埋緋聞,呢啲咪就係神級、超卓、頂級囉!

撰文:東方新地 |圖片:吳業坤IG、新傳媒圖片庫

吳業坤 恨傳緋聞

話說坤哥吳業坤逢女都冧、魚翁撒網式媾女,合作親都傳緋聞,無堅不摧嘅坤哥再下一城,之前同年長四十歲的家燕姐去到台灣拍新年特備節目都竟然「撻得著」﹗

吳業坤 家燕姐 坤哥
吳業坤 家燕姐 坤哥
家燕姐爆坤哥直呼自己做家燕,後來直接叫阿燕,家燕姐話聽到時都O晒嘴。
吳業坤 家燕姐 坤哥
吳業坤 家燕姐 坤哥
同家燕姐合拍節目前,坤哥已經睇準時機,講明恨傳緋聞,今次成功造就一段「緋聞」良緣。

吳業坤為冧薛家燕,當人人叫「家燕姐」,佢叫「阿燕」,人人對前輩恭恭敬敬,坤哥竟然夠膽死當家燕姐係𡃁妹咁撩,爭住食家燕姐口水尾、食完話可以間接接吻、仲冧到爆話:「仲有餘溫」㖭!

吳業坤 家燕姐 坤哥
吳業坤 家燕姐 坤哥
坤哥狂貼與家燕姐的合照。

當吳業坤遇上大自己四十歲嘅家燕姐,讚佢「真心cute」時,就知道偽毒坤又發功!

王梓軒、糖妹爆坤哥癖好

同節目嘅王梓軒、糖妹都忍唔住爆料:「坤哥專門收集家燕姐啲唇印,一見家燕姐飲完水留低唇印就第一時間影低。」

即係咁,有觀眾都睇唔過眼話坤哥對住長輩冇禮貌,不過冧女嘅嘢你哋就真係有排都未去到坤哥境界,重點係氹到佢口中嘅「家燕」、「阿燕」好開心!坤哥,你又得咗喇!

吳業坤 家燕姐 坤哥
吳業坤 家燕姐 坤哥
王梓軒和糖妹大爆坤哥有收集家燕姐唇印嘅癖好,例如家燕姐飲水後在保溫壼留下唇印,坤哥九秒九用手機影低私藏。

鏡頭前後都唔放過機會冧女

坤哥在鏡頭前亦擺明車馬冧前輩,仲話要食家燕姐口水尾,搞到家燕姐唔知好嬲定好笑﹗

吳業坤 家燕姐 坤哥
吳業坤 家燕姐 坤哥
爭住食口水尾,仲話同家燕姐間接kiss,坤哥呢啲係逢女撩天性定為節目效果真係要問番本人至知。

家燕大女珊珊出手斬「緋聞」

話說好多家燕姐fans聽講偶像同吳業坤傳緋聞都嚇親,大女珊珊喺IG派定心丸,話唔會畀呢段關係繼續發展。點知後來坤哥連家燕姐大女珊珊都睇中,開到口有意追求,恨到兩母女傳緋聞﹗

吳業坤 家燕姐 坤哥
吳業坤 家燕姐 坤哥
家燕姐珊珊IG發文指會阻止緋聞發生。
吳業坤 家燕姐 坤哥
吳業坤 家燕姐 坤哥
台慶當晚坤哥負責拖住家燕姐出場,家燕姐被晚裝絆倒,全靠坤哥扶實。
吳業坤 家燕姐 坤哥
吳業坤 家燕姐 坤哥
不用羨慕!不用妒忌!不如虛心啲向坤哥學吓嘢,對住個個女仔都咁細心,話咁易就脫到毒!

吳業坤完美示範搞完阿媽再睇中埋個女,早前到新城接受家燕姐訪問,當時家燕姐曾笑稱勸坤哥唔好成日口花花,咁唔知家燕姐會唔會向坤哥介紹女仔?坤哥呢個時候竟然搶答:「珊珊 (家燕姐大女石祐珊)吖嘛,我電話都攞埋啦!」見慣大場面的家燕姐都當堂窒一窒,話感情事要慢慢來!

吳業坤 家燕姐 坤哥
吳業坤 家燕姐 坤哥
家燕姐大女珊珊。

家燕姐咁樣回應…

家燕姐呢日出席節目《流行經典50年》錄影,被問到與吳業坤的緋聞,家燕姐笑稱根本係誤會,話坤哥只係口花花,並無實際行動。咁坤哥係咪想追其大女石祐珊呢?家燕姐就解釋係珊珊擔心兩人的緋聞,所以send訊息叫坤哥唔好亂嚟!正因為咁坤哥先會有珊珊電話。無論家燕姐又好、珊珊又好,坤哥都係收吓把口比較好,唔好亂嚟啦!

吳業坤 家燕姐 坤哥
吳業坤 家燕姐 坤哥
家燕姐對坤哥先後同母女傳緋聞表示…
吳業坤 家燕姐 坤哥
吳業坤 家燕姐 坤哥
家燕姐話坤哥成日口花花,但無實際行動。
吳業坤 家燕姐 坤哥
吳業坤 家燕姐 坤哥
家燕姐公開拒絕坤哥,坤哥當然無機啦﹗

延伸閱讀:

尋秦記|江華請古天樂食檸檬 網民集氣失敗

藝人離開無綫有出路!15位轉行發展好過做明星成功例子

視頻精選
更多新聞