【相隔21年】陳展鵬重拾歌手夢!新歌《零歲》送給囡囡
2021年03月19日12:03

近年陳展鵬影視發展越見順利,劇接劇令人氣有增無減。好爸爸形象更令佢好感度大增,原來貴為影帝級既佢一直有個歌手夢。早前佢有機會簽約新公司重拾歌手夢,推出新歌《零歲》送比囡囡。

相隔21年再戰樂壇,問到覺得最深刻難忘事,他說:「今次錄新歌,喺監製舒文身上學到野,監製亦比左好多功課我做,要我聽同練好多新晉歌手嘅歌,例如one promise, 林家謙,Mirror , dear jane 等等。所以都係一個好大挑戰。

而今次 MV 拍攝,同呢位新晉導演導演一拍即合,溝通順利。公司亦不計成本,首先搵到一個荒島帶左好多大型道具去拍攝,又有航拍,最誇張book 左一架遊艇畀我化妝整頭同休息。慶幸當日拍攝都好順利,而且天氣都好好,我都好驚會曬到唔同色會唔連戲。」

他續說:「可以再做返歌手出歌,就好似發緊夢咁,首先要多謝樂小姐好鼓勵我之餘仲介紹左唱片公司老闆培哥我認識。我同培哥可以話係一拍即合,我地好多諗法都好似,而老闆亦好接納我對歌曲上或是 MV 上既意見。真係好感恩可以係歌影視上都遇到好老闆同好好既伯樂,而今次 MV 製作既費用老闆係無上限支持,加埋公司團隊同製作團結既配合同用心,成品我真係好滿意。」

問到嚟緊會想偏向歌手定演員路發展,展鵬就笑說:「我希望會做好時間分配,做到歌影視、家庭都平均分配好時間。」

視頻精選
更多新聞