家棟新戲爆肚度笑位
2021年04月28日03:02
■家棟與一班影帝級人馬合作,笑言勾起不少回憶。

林家棟和古天樂在電影《金錢帝國:追虎擒龍》再度合作,兩人更不時度笑位,務求為戲中增加喜感。戲中家棟邀請古仔加盟廉政公署合力打擊貪污,首要目標人物為跛豪和徐樂(呂樂)。過往與古仔合作無間的林家棟,笑言今次戲中跟對方較多對手戲,由於劇情充滿剛陽味道,為了增添喜感,與古仔炮製搞笑位,他說:「有場戲同古仔say hi時,大家眉來眼去,但純粹玩!現場的同事都響度笑,食早餐戲就拎走隻碟,我們成日慢慢建立這種默契出來。」

戲中有不少動作戲的家棟,表示有場戲被百多位臨時演員追打,導演想呈現出困獸鬥的感覺,擔任武術指導的伍允龍設計招數要他踢武術演員頭部後,對方要撞爆玻璃,他說:「我着住皮鞋,現場類似工地環境,最大壓力是我踢人個頭,我撞玻璃反而唔驚喎!他撞玻璃我先驚。」該片集齊不同年代的影帝參演,包括有古天樂、吳鎮宇、林家棟、鄭則仕(Kent哥)、梁家輝。打滾影視界多年的家棟笑言跟各人合作,令他勾起不少回憶:「我同Kent哥的太太是無綫訓練班的同班同學,我跟她都老友;當我望住鎮宇時,令我想起《笑傲在明天》,戲中我直頭打他;我同古仔成日都一齊合作,之前跟家輝又合作《追龍II:賊王》,感覺幾得意。」家棟大爆跟古仔經常爆肚,有份參演的晶女郎常鈺詞亦好玩得,拍攝過程中十分搞笑。他說:「有場戲要向她表露身分,又要扯她頭髮,但她的頭好似無洗過,導演又未叫cut機,我哋行埋去同她講:『你知唔知你啲頭髮影響我哋今次行動!』現場的工作人員個個響度騎騎笑。」

文:鄺芷瑩 圖:譚志光

髮型:Alex Chan / J.A.C.K. Factory

化妝:CHEUNG YEUNG Yuiyi

服裝:GIORGIO ARMANI

場地:富薈旺角酒店

■家棟與一班影帝級人馬合作,笑言勾起不少回憶。

娛樂

視頻精選
更多新聞