香香變Super Mom 同時餵兩子食奶
2021年05月14日03:00
香香一邊抱細仔食母乳,一邊餵大仔飲奶樽,形容是雙重的愛。

【星島日報報道】岑麗香(香香)與老公強強於前年誕下大仔Jacob,今年2月又宣布再佗B仔,昨日香香忽然在社交網分享餵母乳相片,原來細仔早前已出世。香香單手抱細仔餵吃母乳,同時另一手餵大仔飲奶樽,形容是「雙重困難,雙重的愛。」母愛真偉大!

照片可見香香的細仔「JuJu」頭仔圓圓,頭髮烏黑,肌膚嫩白,十分可愛。榮升哥哥的Jacob與弟弟一起躺在BB牀上,笑得開心。忙着照顧兩個仔仔的香香,面上流露幸福的笑容,盡顯母愛,畫面溫馨。香香留言:「Double trouble, double love。小腰果多多指教。my name is Baby JuJu」一眾靚媽陳凱琳、陳自瑤、孫慧雪、雨僑,還有龔嘉欣、鄭欣宜、趙希洛紛紛送上祝福,林芊妤留言:「這是媽媽感到最溫馨的畫面。」網民亦讚香香是super mom。

香香昨日開心回應:「Hello!大家好,首先我想多謝大家,收到好多祝福,多謝晒你哋祝福,我哋全部收到晒!介紹返小BB你哋識,佢名叫做Julius,亦叫Baby Ju Ju,容易啲講,出世3.02KG,OK啦!o依家媽媽同BB已返咗屋企休息,好平安,多謝大家關心。哥哥(Jacob)好開心,因為一早準備禮物代細佬送俾哥哥,哥哥一直好想要顏色筆,我哋買咗話係細佬送俾佢,所以佢都好滿意呢個細佬。」香香又表示希望所有都順利,到時再見大家。

視頻精選
更多新聞