送比你都破產
2021年06月07日13:06

相信唔少人都曾經想入手一部超跑,尤其九十年代一啲新車價三球,而家半百萬已經可以擁有嘅型號。但正所謂「買車容易養車難」,假設有位朋友同你好好好老友,想送部車比你,但要自己養嘅話到底每年要洗幾錢呢?恕我用個比較誇張嘅例子,Bugatti Veyron。

伊朗房地產大亨Manny Khoshbin係一位知名超跑收藏家,平時都好鍾意喺個人 Instagram 或 YouTube 分享自己嘅座駕。而佢過去就曾經介紹過佢自己部開篷Bugatti Veyron做例子,佢話即使你剩擺唔揸,每年都要定期換油,每次大約要2.5 萬美元嘅保養費。而如果你會揸下出街,由於 Bugatti 原廠建議 2 至 3 年換一套胎,加上玩車嘅朋友都知道,Veyron馬力強大,原廠輪胎係同條鈴癡住,所以基本上每換一次就要洗3.8 萬美元。另外,Bugatti 連鈴都有 1.6 萬公里保養措施,換一次又洗 5 萬美元。

整合所有費用,想養一部 Bugatti Veyron,每年就要洗100萬做保養。當然呢個係極度誇張嘅例子,如果養一部法拉利或林寶堅尼應該相對會平好多嘅。不過無論咩車都好,定期保養係必然,就算係一部十萬蚊嘅私家車,每年都需要預一定嘅Budget去維修同換油,咁先可以長揸長有架嘛。

視頻精選
更多新聞