《糖街製片廠》入圍意大利烏甸尼電影節!劉翁、蘇皓兒未能走紅地毯感失望
2021年06月18日16:26

由導演劉翁執導的電影《糖街製片廠》被「意大利烏甸尼電影節」官方選中入圍,成為其中一套港產片於多個歐洲、北美及亞洲城市作巡迴上映,讓海外觀眾認識港產片的嶄新面貌。

劉翁笑言讓外地觀眾感受香港恐怖片驚得嚟好笑,笑得嚟感動,感動得嚟又好驚嘅獨有玩法:「今次係歐洲上映製作好認真,電影放映時將配上意大利語字幕。「香港國際電影節」協會亦都幫我拍咗宣傳短片,以視像方式跟當地觀眾見面。其實恐怖懸疑片最冇區域、文化界限,反而著重氣氛、效果、化妝造型等等,今次《糖街製片廠》由荷里活級數的特技化妝師操刀,質素一定唔會失禮。如果有機會,我都想飛過去同世界各地的電影人交流,奈何疫情,所以未來要更比心機拍多啲好戲,再參展去感受歐洲影壇盛事。」

女主角之一蘇皓兒對於電影被選中參與國際影展感到驚喜,坦言無法赴意大利行紅地毯相當失望:「作為一個演員,可以行國際影展紅地毯,機會唔多。今年疫情冇得去,真係好唔開心!不過知道自己嘅作品可以代表香港,都係好威水嘅,希望到時香港上映都有好好嘅成績,咁對自己同公司都有交代。」

為電影犧牲容貌的另一位女主角楊柳青,戲中爛面上陣,笑説:「我個特技化妝認真程度連我自己都唔認得我自己!我懷疑觀眾睇晒成部戲都未必知道邊個係楊柳青!不過有機會代表香港電影去參與國際級影展,呢個係演員嘅光榮,令我知道付出喺有回報。以前香港好多電影喺外地影展攞獎,依家嚟到我地呢一輩,更加要付出十倍努力,再為香港影壇揚威海外。」

視頻精選
更多新聞