「打女」簡思恩踩過界出書才女 用一年時間紀錄減肥路

2021年07月13日12:54

「失戀真係可以減肥?」相信有大部分女性都有失戀之後,體重急速下降的經驗,亦有姊妹們失戀後選擇自暴自棄,放任飲食,吃喝玩樂,最後落得變成了一個肥妹仔的下場。

觀眾所認識的簡思恩(Melody Kan),大多是因為《理想國》、網劇《異數者》或是大大小小的廣告,幕前的Melody擁有32、23、33的FIT爆身材,更擁有人人羨慕的四舊腹肌、人魚線,但是她跟大多數姊妹們都經歷過人生低谷 – 失戀後暴飲暴食變成一個肥妹。簡思恩:「兩年前我同前度男朋友分咗手,失戀後直插跌入人生低谷。我放縱自己,餐餐漢堡飽,可樂,之後體重就由梗係直線上升,體脂最高峰去到25%,體重54.5kg,但係你要知道,我只係得162cm高。」

簡思恩:「直到2020年4月26日,我清楚記得呢一日,我喺一間COFFEE SHOP嘆緊嗰個加大碼芝士牛肉漢堡飽嗰一個MOMENT,我望住自己腰間嗰幾層車軚,腦裡面先有一把聲同自己講:『你唔可以咁樣落去㗎啦!』」隨後她就下定決心修身,踏上運動營養之路。

厭惡水煮雞胸餐,研究美味減肥餐單

簡思恩(Melody Kan)修身一年後,成效漸漸顯著,但當時她又遇到了另一問題 - 面對餐餐的水煮雞胸餐慢慢厭惡,但又因要堅持修身減重而苦無對策。簡思恩:「我覺得食物一定要色香味俱全先會有滿足感,冇滿足感食完一定會肚餓,即係會喺『冇滿足感,食,體重增加,再食減食餐』循環無限LOOP!救命!」所以她才因此而著手研究健康,有營養同時美味的食譜。

J圖食譜變五合一超強減肥天書

及後又因為有朋友親身嘗試過美食後,才在他們的建議及鼓勵下,她才出書,寫出了《You can be Beautiful 原來你可以很美》。「起初只是打算整理一本食譜相集,你懂的,就係嗰種好多J圖,同時有食譜相集嗰啲,但係寫吓寫吓,就愈寫愈多營養和運動的理論,又因為想驗證吓自己研究嘅資料,又去咗讀營養學,跟住就寫咗一本糅合個人經歷、營養學知識、修身運動、減肥(又好食)食譜,仲有少少J圖嘅書。五合一都只係賣$228,網購仲平賣$198,現場買仲可以簽名!哈哈哈,係咪好抵呢?」

視頻精選
更多新聞