【曾勸老公轉行】楊洛婷自爆舊公司多番強逼整容 矛頭直指TVB?

2021年09月30日07:00

樂隊Dear Jane出道多年,人氣爆燈,日前順利完成紅館演唱會。主音黃天翱(Tim)老婆楊洛婷回想過去的高低起跌,感觸寫下長文。她上載在演唱會後台與老公深情咀嘴的相片,又分享Dear Jane眾成員開騷時的英姿。

From:微博/香港TVB資訊台

楊洛婷自爆曾被舊公司要求整容,拒絕後即遭冷藏零收入,幸得Tim的安慰,承諾會照顧她。有心水清網民即想到楊洛婷選香港小姐出身,曾簽約成為無綫藝員,要求她整容的舊公司會否就是無綫?

楊洛婷留言:「曾經有一段時間,我被舊公司不斷無理咁迫我去整容,因為我唔肯妥協、唔肯就範,所以就被人無情咁『掟入雪櫃』,結果我冇工作冇收入。當時我老公就好型咁同我講,佢會用佢嘅所有能力去照顧我。的而且確,我老公絕對有履行佢對我嘅承諾,而幸運嘅係,我精彩嘅主持生涯亦隨即展開。呢個就係我哋愛情故事嘅開始。」

From:微博/香港TVB資訊台

楊洛婷又透露昔日Dear Jane經歷低潮,每次開騷大家都很擔心門票滯銷,她更曾試過勸老公轉行面對現實,慶幸現在終於苦盡甘來:

「雖然我一直都好相信我老公,好相信Dear Jane,我甚至可能係佢哋最強大嘅粉絲。但抱歉嘅係,我都有試過喺佢哋低潮時勸過我老公面對現實🤭,甚至叫佢轉變一下佢嘅職業。宜家諗番,我好慶幸佢當時冇聽我講,我真係好佩服佢地對理想嘅堅持同毅力!」

From:微博/香港TVB資訊台

 

From:微博/扒圈內醬

From:微博/扒圈內醬

From:微博/扒圈內醬

From:微博/扒圈內醬

From:微博/扒圈內醬

From:微博/扒圈內醬

 

 

視頻精選
更多新聞