【原意整喊老公】楊洛婷避談無綫有無逼整容:我都做過好多間公司

2021年10月05日07:00

楊洛婷日前自爆舊公司曾多次逼她整容,她因不服從而被雪藏,矛頭疑似直指無綫。昨日她出席活動時被問到此事,她表現迴避:「篇文章原意只係想冧老公,因為見證佢同隊友多年來嘅努力,互相堅持。」

From:微博/denceyu

面對媒體追問,楊洛婷亦無正面回應:「其實我都有做過好多間公司,唔講呢啲啦,我都係想帶出夫妻間互相扶持,帶正面訊息支持大家,其實我一心想整喊老公啫。」她強調不反對別人整容,指整容現在已很普遍,有需要便去做,不過自己就未有需要。

微博香港娛樂:【【曾勸老公轉行】@楊洛婷Rabeea 自爆舊公司多番強逼整容 矛頭直指TVB?】樂隊Dear Jane出道多年,人氣爆燈,日前順利完成紅館演唱會。主音黃天翱(Tim)老婆楊洛婷回想過去的高低起跌,感觸寫下長文。她上載在演唱會後台與老公深情咀嘴的相片,又分享Dear Jane眾成員開騷時的英姿。
楊洛婷自爆曾被舊公司要求整容,拒絕後即遭冷藏零收入,幸得Tim的安慰,承諾會照顧她。有心水清網民即想到楊洛婷選香港小姐出身,曾簽約成為無綫藝員,要求她整容的舊公司會否就是無綫?

楊洛婷留言:「曾經有一段時間,我被舊公司不斷無理咁迫我去整容,因為我唔肯妥協、唔肯就範,所以就被人無情咁『掟入雪櫃』,結果我冇工作冇收入。當時我老公就好型咁同我講,佢會用佢嘅所有能力去照顧我。的而且確,我老公絕對有履行佢對我嘅承諾,而幸運嘅係,我精彩嘅主持生涯亦隨即展開。呢個就係我哋愛情故事嘅開始。」
楊洛婷又透露昔日Dear Jane經歷低潮,每次開騷大家都很擔心門票滯銷,她更曾試過勸老公轉行面對現實,慶幸現在終於苦盡甘來:

「雖然我一直都好相信我老公,好相信Dear Jane,我甚至可能係佢哋最強大嘅粉絲。但抱歉嘅係,我都有試過喺佢哋低潮時勸過我老公面對現實🤭,甚至叫佢轉變一下佢嘅職業。宜家諗番,我好慶幸佢當時冇聽我講,我真係好佩服佢地對理想嘅堅持同毅力!」
-- 微博香港娛樂

From:微博/微博香港娛樂

 

視頻精選
更多新聞