【食燒鵝都撞到】陳家樂野生捕獲發哥:開心過中六合彩

2021年11月24日07:00

周潤發出名親民兼貼地,不只是一般市民的捕獲對象,就連圈中藝人也夢寐以求想見他一面。今次幸運兒輪到陳家樂,他食燒鵝時竟發現發哥就在他後面,事後興奮得將內心小劇場繪影繪聲地記下來:「Omg!!!!頭先偷食燒鵝既時候!後面突然有一班行山客叫野食,突然佢哋問:發哥,想食咩?聽完之後,我個腦即刻高速運轉!行山*發哥,行山*發哥,行山*發哥,我計算到,佢係賭神發哥既機會率,一定大過同花順!我諗都唔諗,轉頭一望!果然!係偶像發哥!入行咁耐!我終於可以見到發哥啦!」

發哥合照後發現陳家樂的相機鏡頭花了,於是貼心地用自己的手機拍多次:「我即刻膽粗粗問發哥可唔可以影相,影完之後,佢仲見我鏡頭花左,影到矇查查,再用佢電話同我影,再send返比我,太貼心啦!!」陳家樂成功野生捕獲發哥,表現興奮,揚言:「開心過中六合彩」、 「媽我得左啦」!楊潮凱留言笑指陳家樂的鏡頭真的很朦,更被英皇同事取笑:「個鏡頭花咗咁失禮」。

過往曾有不少藝人捕獲過發哥,包括汪明荃、謝霆鋒、高海寧、張振朗、JW等,個個都開心又興奮!

微博香港娛樂:【【童時愛上你】行山遇#周潤發# @高海寧 獲贈言:鬆開手,你所擁有的是一切】高海寧最近準備拍攝新劇《童時愛上你》。不過早前有報道指,劇集曾因劇本問題煞停,亦有傳是高海寧覺得自己未能駕馭只得8歲智商的角色,所以向高層停拍。
過如此多風風雨雨後,《童》劇終於開拍,似乎她亦放下心頭大石,星期日就去行山,更捕獲「發哥」周潤發「把手握緊,裡面什麼也沒有。而鬆開手,你所擁有的是一切。Thanks so much 發哥」
好友湯洛雯就羨慕說:「Why not bring me」。
-- 微博香港娛樂

From:微博/微博香港娛樂

微博香港娛樂:【【似P圖?】野生捕獲發哥 #謝霆鋒#未出世已合照過】#周潤發#一向貼地又親民,不時有網民分享「野生捕獲發哥」的合照,亦令發哥成為很多藝人的「集郵」目標。近日洪永城、徐榮先後成功捕獲發哥,今次終於輪到謝霆鋒!
謝霆鋒在微博貼出兩人合照,背景罕有地不是郊外或鬧市,而是哥爾夫球場。由於背景顏色鮮艷,兩人看起來又似有白邊圍著,令部分網民質疑相片是「P圖」。也有網民翻出謝霆鋒多年前的一張童年照,相中發哥抱著仍是小男孩的謝霆鋒。發哥更曾與謝賢和佗B中的狄波拉同框,原來謝霆鋒未出世已經與發哥合照過,令人驚嘆時間實在過得太快。
-- 微博香港娛樂

From:微博/微博香港娛樂

微博香港娛樂:【【鴻運當頭】行山跑步有驚喜 胡諾言︰上得山多遇發哥】#周潤發# (發哥)一有時間就會行山跑步,因此成為不少行山人士的集郵對象,好似星期六@胡諾言jack 與好友@陳山聰 ,就到「香港千島湖」之稱的大欖涌水塘跑步,剛好遇上發哥。胡諾言當然沒有放過嶵這次合照機會,他在社交平台貼相,又留言說︰「Nice place ... thx 陳山聰﹗#10km #意外驚喜 #口罩記得隨身帶 #上得山多遇發哥 #跑完快啲返屋企 #做人做事記得盡做」 -- 微博香港娛樂

From:微博/微博香港娛樂

微博香港娛樂:【【上得山多終遇發】JW野生捕獲發哥:好鍾意好鍾意佢呀!】王灝兒(JW)相約男友葉韋彤(Tarzan)及張艾嘉兒子王令塵一起行山,雖然要一早起身,不過非常好運遇上周潤發(發哥)。難得有緣,當然要來個「指定動作」──影Selfie!站在發哥身旁的JW笑容滿面,化身小粉絲的她大讚發哥好人,以大量心心眼emoji留言:「發哥真係好好人呀!好鍾意好鍾意佢呀!咁早一齊行山乜都抵呀!」 -- 微博香港娛樂

From:微博/微博香港娛樂

微博香港娛樂:【【多謝@周家怡 】跑山遇上#發哥# @湯怡 :傳說是真的】湯怡日前與周家怡等友人去跑山,終於令她夢想成真,遇上周潤發「發哥」!湯怡貼出多張照片,非常開心的說:「除咗馬拉松以外,我真係未試過晨早5點起身跑步。瞓醒嗰刻落緊勁大雨,但大家都話照跑。」不過由於自己第一次跟跑,她不好意思「放飛機」,亦因為這個決定,令她見到「發哥」:「既然大家意志咁強大,我又第一次跟跑,放飛機好似唔係咁好,所以即刻彈咗起身。天公造美,全程無雨之餘,回程時迎面撞到發哥!係!係發哥!同佢high five咗,仲講咗句早晨添。嘩!原來傳說中跑步跑山可以撞到發哥,係真㗎﹗多謝周家怡帶我去玩 。」 -- 微博香港娛樂

From:微博/微博香港娛樂

From:微博/微博香港娛樂

From:微博/微博香港娛樂

微博香港娛樂:【【阿姐少女心】辦年貨野生捕獲#發哥# @汪明荃liza :真係行好運!】農曆新年將至,汪明荃「汪阿姐」連續幾日都出街奔波辦年貨,日前「阿姐」更在家中親自整蘿蔔糕。今日「阿姐」再次拖購物車出動去九龍城辦年貨,在途中更偶遇上九龍城的常客發哥(周潤發)!「阿姐」立即拉住發哥合照留念,將合照分享到社交網上,並興奮留言:「今早去九龍城辦年貨,竟然碰到發哥(周潤發),真係行好運!」 -- 微博香港娛樂

From:微博/微博香港娛樂

From:微博/微博香港娛樂

From:微博/微博香港娛樂

微博香港娛樂:【【見牙唔見眼】野生捕獲#周潤發# @張振朗Owen :發哥叫得出我個名真係好興奮】 最多人想兼最常被野生捕獲的藝人,相信非周潤發(發哥)莫屬。這天終於輪到張振朗,他上載二人合照,開心表示發哥能叫出他的名字,又指當年藝員訓練班畢業表演,就是演《英雄本色》,很想跟發哥說出該戲的經典對白「唔好搵支槍指住我個頭!」張振朗留言:「發哥叫得出我個名真係好興奮,我都好想回應返佢一句唔好攞支槍指住我個頭。係...我青!我只係好想但冇做#笑到見牙唔見眼 #我訓練班畢業表演就係演呢一齣戲」 -- 微博香港娛樂

From:微博/微博香港娛樂

 

視頻精選
更多新聞