【投訴林盛斌】方力申5年未脫單 認不夠主動:我發誓依家係單身

2021年12月14日07:00

方力申以學長身分出席「香港運動員就業及教育計劃」活動。他擔任三位香港運動員的導師,分享經驗以免他們走冤枉路,幫助他們轉型投身社會:「佢哋太專注運動,欠缺社會技巧、人脈,之後會有個網上工作配對,如果佢哋有興趣做藝人,我都可以幫手鋪路,最鍾意幫人。」

From:微博/denceyu

 

方力申的感情狀況一向備受關注,他被問到時大方直認有朋友約他去speed dating,不過慶幸最終無去,因為聽說出席的男士年齡層由30到60歲。他又直認自己沒勇氣去,怕尷尬又怕去到無人show。方力申早前連交友app也刪去:「佢又要我驗證,今次仲要係用身分證,梗係唔制啦!實體又唔敢玩,今年都係要過Lonely Christmas!」

被問到有否找「金牌媒人」林盛斌(Bob)幫忙介紹,他就笑指對方太熱情:「係兄弟先講佢,當然佢有好多成功例子,但佢次次見到女仔都提我個名,搞到啲女仔覺得我Date過好多人吃不消,已經街知巷聞,其實就未正式介紹過嘅,哈哈!」方力申無奈表示已經被人問足5年,至今仍未成功脫單,自嘲為人非常認真,並承認自己不夠主動,強調自己目前單身:「呢啲講出嚟係冇人信,但我發誓依家係單身!」

From:微博/denceyu

微博香港娛樂:【【為免傳緋聞】@JEANNIE陳瀅 避合照 @Alex方力申 解釋:佢天不怕地不怕】譚俊彥、方力申等為無綫節目《男神廚房開業喇!》造勢,兩人將於節目中比試廚藝。方力申大讚對方「超曬班」,又重提之前馮盈盈做嘉賓,似乎怨氣甚大:「上次喺節目,佢唔食得辣就批評我煮啲嘢辣,好明顯係佢嘅問題啦,題目係辣呀嘛!」
日前陳瀅拒與方力申合照,即時轉身走。被問到此事,方力申直言對方事後有聯絡他,解釋不合照是因為不想傳緋聞。方力申直言:「佢天不怕地不怕」,強調兩人「真係冇嘢」:「走咗都唔怕我哋繼續講佢同寫佢」。
-- 微博香港娛樂

From:微博/微博香港娛樂

微博香港娛樂:【方力申搞笑自爆:「我隻狗唔接受佢!」】早前傳出緋聞的@Alex方力申 (小方)跟#馮盈盈#,齊齊亮相TVB綜藝節目《#男神廚房#》,在節目上,小方被追問與盈盈的緋聞,他搞笑否認阿媽不接受馮盈盈,反而是因為家中的愛犬對盈盈「有意見」,令2人沒機會發展。
#鄭裕玲#(Do姐)、#王菀之#主持TVB綜藝節目《男神廚房》最新兩集,請來方力申(小方)、李俊樂、周嘉洛及關禮傑大鬥廚藝兼鬥感性,務求從美女試食團成員包括林夏薇、馮盈盈及美女廚師Hilda等手上取得高分數。小方回應緋聞時竟自爆屋企隻狗不接受馮盈盈!
在「約會限定」部分,小方遭強攻被要求回應與盈盈緋聞,小方回應相當出位,包括:「唔係我阿媽唔接受佢,係我隻狗之嘛!」盈盈即搞笑追問:「喺我同狗之間你會點揀?」在真情剖白環節,小方更自認是不浪漫男友,並透露是受性格大男人的爸爸影響;至於談到媽媽如何以家常菜表達親情時,薇薇更被感動到流淚。
-- 微博香港娛樂

From:微博/微博香港娛樂

 

視頻精選
更多新聞