君如親送劇本 侷住做人阿媽 Gigi被Edan叫媽咪超 羨煞粉絲

2022年01月27日04:06

吳君如監製兼自演賀歲電影《闔家辣》,以搞笑形式帶出香港疫情下真實家庭故事,找來好友鄭中基及梁詠琪(Gigi)合作,還有影壇新貴呂爵安(Edan)。戲中Gigi與Edan演母子,突然成為廿幾歲仔之母,她說:「君如驚我過唔到呢個關口,所以親自送劇本畀我,等我冇得推,唔係君如提我都冇諗,其實計吓數生得出。」君如指從未見過演員如些爽快答應,又欣賞Gigi夠自然美。

文:卓寶花 圖:鄧國良、錢文坤

場地:香港瑰麗酒店

Gigi今次角色既是媽媽又是一家之主,有個廢老公,夫妻相處經常拗撬,相反現實中各自對另一半都很溫柔,而君如則屬現實版一家之主,她笑言:「由細到大我都問阿女,屋企邊個係boss?佢指住我話You。我唔使做一家之主,但有啲嘢自自然然就要決定,每個人諗法唔同,價值觀唔同,好多事始終要做決定,我就做咗呢個位,因為我係媽媽。」戲中君如飾演隨和大姑奶,不乏接受檢疫及進入隔離營場面,寫實貼地。

前輩傳授戲功畀Edan

幾位前輩首次和Edan合作讚不絕口,投入得似一家人,Gigi說:「Edan一遠處就叫媽咪,好冧!我諗全香港媽咪都好想Edan嗌佢媽咪,啲fans都話好想做佢媽咪。」劇組最緊張Edan一場喊戲,君如知道他在MIRROR十二子中,覺得Edan很理性,做演員會蝕底,應該要投入忘我,還大爆:「試鏡時佢想推,就係話有場戲要喊,佢驚喊唔到好大壓力,最後都成功發揮,肯定勁過其餘11個,我哋過晒啲武功畀佢。」並激讚Edan為人真誠,有自信又謙虛。

囡囡獲封百元利是片酬

君如透露囡囡開始鍾意演戲、跳舞、唱歌,特意安排她客串1秒鏡頭做reception,給了$100元利是女兒。她明白家庭環境耳濡目染,不會阻止女兒入行,但要她真心去做才知道艱苦。鄭中基的一對子女不會追星,孻仔盡得爸爸幽默搞笑基因,他笑說:「有日學校旅行,老師聽到阿仔同同學講『I like maggie』,同學話我哋冇maggie喎,佢話maggie is sauce(指某知名調味料),maggie is very good,仲話介紹maggie畀佢識,you should try!」

吳君如 造型:Ricky Kwok 手 :Tiffany & Co.

鄭中基 服裝:KOWLOON CITY BOY、 VO-YAGE 鞋履:Zegna

梁詠琪 化妝:CircleCheung@NDn.Co 髮型:Nick Lam @Orient4

■君如邀好友鄭中基參演《闔家辣》,更親送劇本給Gigi力邀對方參演,極具誠意。

■Gigi自言有幸得Edan叫媽咪,笑言全港媽咪和粉絲都羨慕她。

■君如透露安排囡囡客串演出,還封了100元利是給她。

■鄭中基大爆孺仔盡得其搞笑基因。

■Edan勤力又乖巧,故深得片中一眾前輩的欣賞。

■三人大談拍攝時的趣事,笑不攏嘴。

娛樂

視頻精選
更多新聞