戴祖儀踩錯位恐怖拗柴 杜穎珊爆喊

2022年02月13日03:00
林迪安安撫戴祖儀,並指她的受傷真係唔抵。

【星島日報報道】

  (星島日報報道)戴祖儀(Joey)、杜穎珊及張振朗等參與的節目《不可能任務》,眾人在節目中挑戰「動作特技考驗」,Joey日前因表現落後而自責爆喊的她,在接受「跳躍翻騰」訓練時卻因信心及力量不足踩錯位拗柴,林迪安見狀即緊張上前慰問,期間忍不住心痛爆Seed謂:「我講過幾多萬次,叫你哋唔好踩呢度,點解講極你哋都唔聽同唔明?作為武指,我會覺得好慚愧。明知咁樣,都畀人整親嘅?」Joey因表現未如理想而受傷,再度慚愧落淚並委屈表示:「我唔係唔認真。」林迪安見狀再度安撫,像慈父般搭着Joey膊頭謂:「你唔係唔認真,我睇到你係好認真,但呢個受傷真係唔抵。」

另外,同場的杜穎珊雖然自小已是藝術體操精英,但因個性較膽小致信心不足,在「對打」基本訓練環節更遭批評「講完都冇進步」。杜穎珊亦爆喊坦認有不足,並感謝同組的何慈茵一直全心全意幫助她。帶隊的張振朗努力帶動組員面對挑戰,獲錢嘉樂及林迪安大讚,事實上振朗也被節目感觸,談到對演藝事業的熱誠時數度哽咽謂:「做呢行着緊好重要,你鍾意先會肯畀心機去做,我唔鍾意求求其其做完就算,每次縱然無論做得好定唔好,都要有得着、都要過程係享受。」

視頻精選
更多新聞