洪卓立努力令女友「貪慕虛榮」

2022年03月31日03:00
洪卓立與劉沛蘅都稱「每一日都好開心」,明顯夾過口供。

【星島日報報道】

洪卓立(Ken)自2018年與湯怡分手後,感情一直未有着落。至今年一月,Ken在社交網彈弓手上載《膠戰》女神「索膠」劉沛蘅(Hillary)冧抱愛犬的照片,雖然未幾即刪相,但亦已將秘戀消息曝光。之後兩人一直否認戀情,直至昨日卻被爆同居關係,Hillary被拍到棄住豪宅寧住Ken的舊樓,Ken即時認愛並強調財政獨立,揚言會努力令她成為「貪慕虛榮」的人!文:娛樂組

洪卓立曾於2019年及2020年先後兩次邀Hillary擔任MV女主角,前年他在32歲生日曾上載Hillary從後擁抱他的MV花絮照,並發文︰「最不一樣的」,當時回復單身的他疑似公開新戀情,隨即獲網民送祝福。

讚女友最善良最有愛心

昨日Hillary被拍到連日來出入Ken位於大圍的住所,有指兩人已發展至同居關係,她更棄住何文田豪宅,為愛甘願跟Ken住舊樓。同居關係曝光後,昨日Ken即在社交網大方公開認愛,他貼出三隻愛犬排排坐的家居相,發文:「多謝大家關心。佢係我見過最善良最有愛心嘅女仔,我哋每一日都好開心。其實呢個單位買咗好幾年,我哋亦都係財政獨立,我好開心看到她的發展,而我自己一直都有工作在身,識我嘅朋友都知我從來都靠自己。當然我會努力,令她成為『貪慕虛榮』的人」。他亦指報道曝光全幢大廈,怕影響到街坊。

有眼利網民發現Ken昨日貼出的相中狗仔正是當日Hilary抱着的愛犬,不少網民紛紛留言送上祝福,連舊愛湯怡亦有讚好。至於與Hillary合作節目《膠戰》的主持阿正就叫Ken要對Hillary「錫到燶」,她留言:「要一直錫住我家姐,錫到燶,祝福!」

Hillary:每一日都好開心

30歲的《膠戰》女神Hillary是節目中「六膠」成員的「家姐」,有「索膠」稱號,她昨日也承認與Ken拍拖,但否認是富家女,她表示:「多謝大家關心!我哋每一日都好開心!我覺得任何關係都唔應該建基於金錢上,最重要係用心去交流、溝通,而搵到一個能夠互相支持大家嘅人係好難得。我真係唔係一個富家女,一直都要努力工作,希望大家畀返少少空間我哋」。

視頻精選
更多新聞