旺角美食:【旺角勁足料刺身丼飯!必食乜蟹都有丼+火焰金龍卷!】- 丼燃食堂

2022年04月08日15:26

旺角一向都多平靚正小店,好似呢間位於花園街的日式丼飯,有多款超大碗澎湃刺身及火炙丼飯,價錢由$118起,最貴的「究極大大拖羅丼」都不過是$248,午市更有$50-$100的選擇!餐廳走型格路線,餐具裝潢充滿設計感,所有材料都來自日本,菜名如「乜蟹都有丼」、「九公丼」、「丼燃係盲盒」等,亦充滿玩味!必食推介有「乜蟹都有丼」,每日限量供應,有蟹蓋、蟹膏、蟹鉗、蟹籽、蟹棒及蟹肉鋪在飯面,非常豐富,名副其實「乜蟹都有」,$128亦好抵食,蟹丼大家可以自選醬汁,推介海膽醬,食落更鮮美!必食招牌還有金龍卷,卷物包著天婦蘿炸番薯,上層再搭肥美鰻魚、蟹籽、青瓜絲和香葱,一口一啖超滿足!店員上菜時還會在客人面前點火,令人口水直流時,打卡亦一流!抗疫期間,晚市外賣自取更有88折優惠!

▲乜蟹都有丼($128),每日限量供應,有齊蟹蓋、蟹膏、蟹鉗、蟹籽、蟹棒及蟹肉鋪在飯面,非常豐富,名副其實「乜蟹都有」,賣相驚艷,打卡一流!

▲蟹膏分量十足,不腥得來充滿鹹香,CP值極高,唯獨蟹丼可配自選醬汁,推薦海膽醬更能帶出蟹的鮮味!

▲乜蟹都有丼配芝士蟹籽醬亦很出色,加上足料的蟹肉蟹棒撈飯食,多了份芝士香味!

▲金龍卷($68),卷物包著天婦蘿炸番薯,上層再搭肥美鰻魚、蟹籽、青瓜絲和香葱,一口一啖超滿足!店員上菜時還會在客人面前,在碟邊點火,令人口水直流時,打卡亦一流!

[adinserter block=2]

▲虎燃四皇丼($118),有左口魚邊、三文魚、蟹棒、赤蝦、蟹籽,相當豐富,賣相亦砌得好靚仔,刺身亦很新鮮,尤其左口魚邊經灸燒後魚油味更豐盛,三文魚亦夠肥美,配明太子醬不腥而又充滿鹹香,非常好撈飯!

▲海膽忌廉餅($28/2件),小食種類約有12款,炸物全部即叫炸,海膽忌廉餅外層炸得酥脆,不會過油,内部有淡淡海膽味,溫馨提示大家一定要放涼一點才吃,因為一咬下去就會爆漿!

丼燃食堂

地址:旺角花園街3-5號鴻威大廈地下6號舖

電話:3460 5078

營業時間:星期一至日12:30 23:00

文字:香港人遊香港 /圖片:@food_fatjai、@ricecomeopenmouth

The post 旺角美食:【旺角勁足料刺身丼飯!必食乜蟹都有丼+火焰金龍卷!】- 丼燃食堂 appeared first on 香港人遊香港.

視頻精選
更多新聞