【皮褸長褲出晒汗】周秀娜拍戲皮膚敏感生粒粒 狂睇醫生仍未好返

2022年04月20日07:00

周秀娜為劇集《疊影狙擊》拍攝,由於現場蚊蟲多,加上拍攝時要穿皮褸長褲,又焗又出汗搞到皮膚敏感,心口生粒粒:「連住幾日都係同一個環境開工,皮褸長褲無停過,加埋着返套由頭笠到落腳趾尾嘅戲服,焗一焗出晒汗情況又差番。環境污糟,再加埋汗腌住敏感,收工即刻睇醫生食抗敏藥同搽止痕藥膏,兩日已見好轉KEEP住仲開到工。」

From:微博/周曉俊_

周秀娜因為敏感而看了三次醫生,食藥和搽藥膏情況好轉,依然開到工。不過有晚收工後全身痕到瞓唔到,又要再睇醫生,更撞正公眾假期專科診所無開門。後來她再睇醫生,打針兼食類固醇,手腳依然有敏感跡象,祝福她早日康復:「天氣轉涼仲有風,夜晚收工就出事啦,全身痕到瞓唔到,第日起身即刻去睇醫生,同一隻抗敏藥同一隻藥膏加大藥效,都係冇用夜晚再去睇多次醫生,打咗支針再食埋類固醇,不過今日起身依然都係咁!」

 

視頻精選
更多新聞