無辜被牽連慘遭「問候」 193爆粗還擊網民挑機

2022年08月13日03:00
193表示不介意理性討論,但粗口爛舌的就會用相同語言還擊。

【星島日報報道】

(星島日報報道)MIRROR紅館演唱會事故發生已兩星期,12子相繼在社交網發文,惟公司MakerVille及高層魯庭暉一直沉默,惹鏡粉不滿。向來敢言的ERROR成員郭嘉駿(193)亦無辜被牽連,遭一批網民在反Viu電視台的群組私訊挑機,爆粗大罵他未為意外發聲,雙方掀罵戰。193昨獨家回覆「星島頭條」,稱不介意理性討論,但粗口爛舌問候家人就唯有用相同語言還擊。

193面對被人無理辱罵,不甘示弱逐一向對方還擊,雙方在言談間都粗口橫飛,對話截圖於網上瘋傳,大部分網民認為主動私訊193的人是無聊幼稚行為,支持193反擊。「星島頭條」記者就此事向193本人查詢,他回應:「突然有大量『白卡佬』DM我,以我理解,應該全部都係嚟自一個反我哋電視台嘅群組。我唔介意佢哋DM我同我理性討論,但係佢哋每個DM我嘅人一開口就粗口爛舌,問候我屋企人咁,咁我惟有用相同語言回覆佢哋 ,迎合返佢哋嘅水平。」

193又表示收到好多支持者的私訊,叫他不要生氣,甚至不要回覆,他感謝支持,並澄清:「我冇嬲,其實私底下成日會同朋友分享呢啲黐綫訊息,然後睇完一齊大笑。呢個世界真係好多黐綫佬、無理取鬧嘅人,回覆呢啲黐綫佬係我嘅樂趣嚟,唔好阻止我」。

視頻精選
更多新聞