【瓣數多多】陳敏之進軍美容界 上堂「一take pass」考獲韓國師資證書

2022年09月09日07:00

陳敏之早前與朋友合資開曲奇餅店,更一度擴充至10間分店,雖然曾被債主入稟申請清盤,但經和解後,目前仍有一家分店營運,之後亦開設個人Youtube頻道,非常多瓣數!

周四她更於社交平台宣布,將進軍美容界,為推出個人護膚品牌去上堂增值自己:「好耐都無試過做學生,坐定定咁讀書啦,好多朋友都問我,做咩無端端去咗返學,留意開我嘅都知道,我嘅個人護膚品牌,就快面世啦,咁我梗係要去上堂,增值下自己。」

她表示,已經成功考獲韓國認證師資課程證書:「上完堂,就到左我一世人最驚嘅環節,就係考證書,我真係好認真溫書,因為如果肥佬唔合格係一定要再考過,結果經過我嘅努力,好感恩一take pass。我成功攞到韓國認證師資課程嘅證書,真係好感恩,多謝裏面咁好嘅老師,同埋都要多謝自己,肯踏出呢一步。」

視頻精選
更多新聞