【港姐2022】佳麗伴舞黎明唱新歌《一生幸福》 泳衣環節曾志偉:今年要搞得特別啲

2022年09月25日22:15

2022香港小姐競選決賽》星期日晚於紅館舉行,其中一個焦點是黎明擔任表演嘉賓!他官仔骨骨的坐「飛機」登場,掀起全場高潮,又在19位候選佳麗伴舞下,唱出新歌《一生幸福》!

至於今年決賽前,監警會委員余黎青萍批評現時電視及電影的色情暴力元素泛濫,同時指《香港小姐競選》泳衣問答環節,指佳麗「少布到不得了」,更指「對住曾志偉嗰啲咁樣,瞪大眼望到實,點解要著三點式答問題呢?我真係唔明。」

言論未有影響泳衣環節,曾志偉、鄭丹瑞、陳欣健及陳百祥(阿叻)繼續主持,志偉說︰「泳裝環節係香港小姐靈魂,所以今年要搞得特別啲。」阿叻反問︰「有幾特別?係咪要佳麗着羽絨?」

陳欣健就說︰「唔係呀,畀人哋彈兩句就要搵啲羽絨遮住晒?」志偉笑住回應︰「我都驚㗎﹗我係驚啲人走晒呀,所以今年係唔同。嗱,我哋時代在變,泳裝不變﹗」

鄭丹瑞瞪大雙眼對志偉說︰「人哋話你咁樣望住啲佳麗。」曾志偉自嘲︰「咁我嘅高度係只能望到咁,我夠想好似你咁高望落去。大佬唔好歧視我﹗」

視頻精選
更多新聞