【避談二人關係】江嘉敏否認與馮盈盈台慶零交流:有打招呼

2022年09月28日07:00

一直有傳江嘉敏與馮盈盈不和,日前在台慶亮燈儀式上她被指與馮盈盈零交流。這天江嘉敏出席無綫劇《黯夜守護者》宣傳活動,回應「零交流」一事:「隔咗兩個身位點傾偈呀?我哋有打招呼嘅。」她補充,指大家見到人就會打招呼,沒有分誰是主動:「有講句早晨呀,大家都有禮貌,大家都有打招呼嘅。」被問到與馮盈盈現時關係如何,江嘉敏以笑避談:「一樣囉,我都講咗2、3年啦呢個話題,要答嘅都答晒啦,唔再講呢個話題啦,哈哈。」

視頻精選
更多新聞