【囝囝正面曝光】何雁詩30歲生日 自認似13歲

2022年11月03日07:00

鄭俊弘與何雁詩婚前已經講明恨生小朋友,今年6月1日兒童節宣布誕下囝囝Asher。雖然何雁詩自從榮升人母以來,經常分享囝囝的得意相,不過每次不是側面、背面,就是鬆郁矇和失焦。這天她趁自己30歲生日,貼了一家三口全家福及抱B相,終於能夠看清楚囝囝的樣子。他眼大大,一臉呆萌非常Cute,乖乖地讓何雁詩抱著。

何雁詩踏入30歲,笑言覺得自己似13歲,又指自己生日難得遇上颱風:「And I’m 30!!!咁就30歲啦!感覺仲係13歲!半世紀難得一遇11月打風都俾我撞到正,不過唔緊要,儘管打風落雨,但係好天氣係我心入面。同我愛嘅人一齊過,有好多愛我嘅朋友錫我,證明無白費到我不斷提點大家今日係我生日嘅心機。説實,真的感覺是個幸運兒,過了充滿色彩的30年,進入3字頭要好好保持初心,抱著熱情讓每一天不枉過,好好地活在當下。」

視頻精選
更多新聞